Денеска од Министерството за здравство се регистрирани 1.500 нови случаи на КОВИД-19, од кои во Скопје – 775. Од вкупниот број на позитивни (1.500), регистрирани се 195 реинфекции .

Истовремено во последните 24 часа сe 522 оздравени пациенти. Евидентирани се 10 починати лица:  по 2 починати лица од Скопје (75г и 87г), Куманово (72г и 80г) и Тетово ( 80г и 89г), и по едно починато лице од Гостивар (62г), Демир Капија (73г), Прилеп (61г) и Струга (84г). Од пријавените лица, сите се починати во болнички услови.

Согласно Регистарот на умрени лица со дијагноза КОВИД-19 од Мој Термин, пријавени се дополнително 6 починати лица од 13 јануари до 3 февруари, Штип (1), Охрид (1), Кочани (1), Тетово (1), Скопје (1), и Кичево (1). Починатите се на возраст од 57г до 82г. Од пријавените лица 3 се починати во болнички услови и 3 лица се починати во домашни услови.

Кај сите 16 починати лица се регистрирани коморбидитети, а тројца биле целосно вакцинирани.