Низа промени во областа на образованието планира да спроведе новата Влада во следните четири години. ВМРО-ДПМНЕ дури има планирано предучилишното образование да го стави под капата на Министерството за образование, кое во моментов припаѓа на Секторот за труд и социјална политика. Според ВМРО, посебен акцент ќе биде ставен на теми од национално значење како македонскиот јазик, историја, географија, музика и ликовни уметности кои, според ВМРО, ќе бидат законски заштитени при прегледот на концептот за учење. 

Меѓу другото, предвидено е и потпишување на Колективниот договор за наставници. Се планираат реформи за високото образование. Претстојната влада има намера да позиционира еден од македонските универзитети на светската листа на најдобри универзитети.

Во меѓувреме, коалицијата ВЛЕН исто така цели кон промени во високото образование со цел да се подобри квалитетот. Пред извесно време претседателот на Демократското движење Изет Меџити истакна дека и покрај тоа што има 3 универзитети на албански јазик, 30-40 отсто Албанци одат и студираат на Универзитетот Свети Кирил и Методиј, на Македонски јазик. Според Меџити, ова е причина за иницијатива за спојување на трите албански универзитети.