Дете од две и пол години од Велес почина вчера на скопската клиника, поради сепса и менингитис. 

Детето пред два дена било хоспитализирано на одделот за неврологија со симптоми на губење свест.

Поради овие симптоми и влошувањето на состојбата на детето, според информации од Министерството за здравство, проценката на докторите била тоа да биде префрлено на интензивната нега на Клиниката за детски болести.

„Укажана му е соодветна медицинска помош и му дадена е соодветна терапија, но и покрај сите напори на докторите, детето не си ја повратило свеста и починало“ – информираат од Детската клиника.

Во последниот месец имаше повеќе смртни случаи, при што починаа неколку бебиња од кои повеќето беа родени предвреме. Само во една ноќ починаа четири бебиња.