Три фирми биле заинтересирани на повикот на Градот Скопје за изградба на нов Луна парк. Градоначалникот Коце Трајановски неодамна најави дека доколку се тече по планот и огласот биде успешен, во првите денови од наредната година ќе се знае судбината на Луна-паркот. За реализација на проектот концесионерот  ќе треба да вложи околу 12 милиони евра. А со паркот ќе стопанисува во период од 35 години. Новиот Луна-парк треба да се простира на површина од 25.327 квадратни метри, на просторот на  на постојниот Луна-парк, вклучувајќи ги и дискотеките. Инвеститорот на оваа површина ќе има обврска да изгради и дел за угостителски услуги, катче за продажба на сувенири, затворени простории за игра, како и да обезбеди соодветен паркинг-простор.