Не помина предлогот на пратеничката Моника Зајкова од ЛДП да се смени изборниот модел, така што Македонија ќе биде една изборна единица и ќе се гласа отворени листа. Предлогот-измените на Изборниот законик, добија поддршка од само 19 пратеници од опозицијата.

„Не е фер гласовите на околу 30.000 до 40.000 граѓани да одат во вода, само поради изборниот модел. Ова не е само политичка неправда, туку е уставна повреда на начелото за еднаквост на гласот“, рече Зајкова во образложение на законските измени.

Зајкова кажа дека демократијата ќе се унапреди ако постои можност граѓанинот да го бира директно својот пратеник преку отворени листи.

„Има страв од отворените листи кај оние кои со години ја градат својата моќ на неотчетност, на контролирани листи“, рече Зајкова.

Пратениците на ВМРО-ДПМНЕ не гласаа „за“ за предлогот.