Пакетот предлози кој посредникот во спорот за името меѓу Македонија и Грција Метју Нимиц им го дал на надлежните а кој е напишан на 4 страници, вели дека не навлегува во идентитетот, туку  напротив го зацврстува и зајакнува идентитетот на државата и на народот. 

„Од мојата комуникација со луѓето во вашата земја, сметам дека имаат многу силен идентитет, кој го поседувате многу години. Независни сте 25 години, но имавте идентитет и кога бевте дел од Југославија, имавте идентитет кога бевте дел од Кралството Србија и од Отоманската империја” посочува Нимиц.

Тој во последното интервју за Сител покажува голем оптимизам кој  го објаснува со промена на целата ситуација, излез на Атина од кризата и новата Влада во Скопје, која како вели изгледа е посветена на решавање на проблемот.

Медијаторот вели дека со пакетот кој им го доставил на претставниците на Македонија и на Грција идентитетот е безбеден.