„Изминатите две години, направивме крупни реформи во земјоделство и донесовме мерки и закони кои за развој и модернизирање на земјоделството, за враќање на достоинството на нашите земјоделци. Креиравме политики со кои ќе го направиме поекономично земјоделското производство а земјоделците ќе имаат поголем приход. Ми беше особена чест како министер за земјоделство, шумарство и водостопанство да учествувам во целиот процес за развојот на овој важен сектор за економијата. Со исто темпо МЗШВ продолжува и во следниот период“, кажа министерот.

Тој посочи дека неговата функција ја продолжува Трајан Димковски кој долго време како професионалец работи на проблематиките во земјоделството

„Очекувам и уверен сум дека успешно ќе ги ги продолжи започнатите мерки и проекти, подготвките на целокупниот сектор за отворањето на поглавјата за земјоделство важни за прептристапниот дијалог со ЕУ, и секако отворената комуникација со земјоделците и со сите чинители во секторот, затоа што само така може да создадеме модерно и конкурентно земјоделство кое ќе биде стожер на нашата економија“, рече Николовски.

Од МЗШВ Николовски продолжува да работи во партијата каде ќе ја извршува функцијата генерален секретар на СДСМ.