Во време на политичка криза во главниот град, непознати лица во скопската населба Топанско поле поставиле споменик со двоглав орел. Постаментот се наоѓа на кружниот тек на помеѓу улиците „Лазо Трповски“ и „Втора Македонска Бригада“, а од град Скопје велат дека е побарано од Државниот инспекторат истиот да биде отстранет. Поставувањето е направено без никаква најава, а свеченото откривање, неофицијално ќе се случи на 16 февруари, датум кој се совпаѓа со почетокот на воените дејствија во Танушевци во 2001 година. Која е целта на ова поставување и што сакале да постигнат „авторите“ на овој чин засега е непознато.