Најдобар пример во светот дека штедењето, односно паметното инвестирање се исплати како национална стратегија (наспроти политиката на задолжување за стимулирање на растот) секако е норвешкиот национален фонд за управување со богатството - Norges Bank Investment Management.

Одговорен менаџмент

Површните луѓе ќе речат дека на Норвежаните им е лесно да имаат таков фонд затоа што едноставно ги канализираат државните приходи од нафта и гас во него, но норвешките власти можеле да донесат одлуки за сосема поинаква употреба на приходите од експлоатација на националните природни ресурси или можеле да ги постават правилата за управување со фондот за многу повеќе да бидат предмет на дневна политика.

Меѓутоа, бидејќи клучната цел на норвешкиот државен богат фонд е одговорно долгорочно управување со богатството во име на сегашните и идните генерации, тие се фокусирани на одржливи профити со целосна инвестициска транспарентност. Раководителите на норвешкиот фонд редовно јавно критички ги разгледуваат сопствените стратешки инвестиции, но останува фактот дека од 1998 година до денес, успеале да ја зголемат вкупната пазарна вредност на фондот на 1.400.000.000.000 (илјада и четиристотини милијарди) долари, додека само во првото полугодие годинава добивката достигна 143.000.000.000 (сто четириесет и три милијарди) долари, што значи дека огромниот фонд имал поврат на средствата од дури 10 проценти.

Феноменален успех

Тоа е феноменален успех во управувањето со националното богатство бидејќи само во првата половина од годината за секој жив Норвежанец (ги има 5,8 милиони) нивниот национален фонд успеал да заработи околу 26.000 долари, пишува Аваз.