Започна да се прави новиот парк во скопската населба Капиштец кој според најавите 100 дрвја. На површина од 3.900 метри квадратни, меѓу булеварот „Митрополит Теодосиј Гологанов“ и улицата „Народен фронт“, спроти зградата на Министерството за економија,  ќе бидат засадени зимзелени и листопадни дрвја, јапонски цреши, јавори, туја, чемпреси, смреки. Како што најавија од градот, околу 60 прскалки ќе го наводнуваат просторот, каде ќе биде направена и каменеста градина и летниковец.

Како што појасни градоначалникот на Град Скопје, Коце Трајановски, паркот ќе чини  3,7 милиони денари, а ќе го одржуваат екипите на ЈП „Паркови и зеленило.

Според Трајановски, ќе се засадат 8 видови дрвја и грмушки, а според неговите пресметки, во изминатиов период во градот се засадени околу 50.000 садници и се создадени тревници од 25.000 квадратни метри.