Претседателот на Собранието Талат Џафери ја отфрли идејата дека догодина може да се одржат брзи предвремени парламентарни избори што е несериозно да се помисли со оглед на големиот број на реформски мерки кои Македонија мора да ги преземе и спроведе за да добие шанса за приближување до ЕУ и влез во НАТО.

Тој изрази надеж дека на седницата на 9 јануари наменета за злогласеснио закон за јазиџите, која ќе биде прва во следната година, ќе присуствуваат и пратениците на ВМРО-ДПМНЕ и потенцираше дека политичката криза завршила пред шест месеци. Според Џафери излегувањето на Алијансата за Албанците од Владата не го разнишува парламентарното мнозинство и од тоа не зависи кворумот во Собранието.

-Убеден сум дека ќе има мнозинство и во 2018 година, дека во Собранието ќе учествуваат сите политички партии, што ќе води кон позитивен извештај од Европската комисија во април и датум за почнување на претпристапните преговори – рече Џафери.

На истата седница со законот за јазиците ќе се најде и точката за избор на двајцата уставни судии, кои се на предлог на претседателот Иванов, по што ќе почне постапката за предложување и именување.

Џафери информираше дека процесот „Жан Моне“ ќе започне на 25 и 26 јануари, следната година, а во однос на спорот за името повтори дека тој формално-правно може да се реши и без референдум.