Независниот полициски синдикат бара одговорност од директорот нa Бирото за јавна безбедност, Митко Чавков. 

Според нив, Чаков треба да одговара, а министерот за внатрешни работи, Агим Нухиу да сведочи. Тој треба да каже зошто го оставил Чавков да го води Оперативниот штаб на 27 април, кога имаше упад во Собранието, насилство и потфрлање на интервенцијата на полицијата. 

Реакцијата на Синдикатот следи по суспендирањето на четворица припадници на ЕБР. 

Вчера и вториот полициски синдикат побара да не се занемари командната одговорност, а случаите против припадниците на полицијата да се водат како поединечна одговорност.

Поради потфрлањето навремено да интервенираат на инцидентот во Собранието на 27 април, од полицијата се суспендирани вкупно 22-ца припадници на МВР.   20 полицајци не презеле постапки за спречување на инциденти, еден вработен во СВР Скопје учествувал директно во нападот врз пратениците, а помошник министерот Небојша Стајковиќ е суспендиран поради тригодишно нефункционирање на системот Тетра кој не ги снимил полициските наредби.