Независен советник ќе биде нов градоначалник на Кочани?
Венко Крстевски, независен член на Советот на Општина Кочани, ќе биде нов привремен градоначалник, а според информациите што се шират, тој веќе обезбедил мнозинство.
Во моментов Кочани по трагичната несреќа нема градоначалник, откако Љупчо Папазов си даде неотповиклива оставка, а потоа беше уапсен и притворен.
Како што објави 24 Инфо, Крстевски веќе има своја програма, во која тој посочува дека ќе се фокусира на зајакната контрола на угостителските објекти и на отстранување на незаконските тенди во градскиот трговски центар.
„Ќе покажам дека со вистинска посветеност и одговорност може да се постигнат значајни промени за кратко време,“ изјави Крстевски, најавувајќи строга дисциплина и законитост во работењето.
Тој би бил нов локален лидер само седум месеци, односно до локалните избори кои се ближат.
Слично
Поврзани вести
