Поранешната главна уредничка и програмска директорка на телевизиската мрежа Рундфунк Берлин-Бранденбург (RBB), 61-годишната Клаудија Нотел, не работи за радиодифузерот од 2016 година, но сè уште добива месечна плата од 8.000 евра. Според најновата судска одлука, тие пари мора да ѝ бидат исплаќани до крајот на животот.

Иако оваа пресуда звучи како шега, поранешната директорка на RBB Rundfunk Berlin Brandenburg ќе добива пензија од 8.000 евра иако долго време имала друга работа, т.е. како професорка таа предава на Универзитетот за применети науки Магдебург-Штендал, каде што добива дополнителна плата од 7.000 евра месечно.

Како е можно?

Иако поранешната директорка на RBB доброволно ја напушти телевизиската станица RBB во јули 2016 година, таа претходно потпиша „личен договор за отпремнина“ со својот работодавач, кој ќе го добива во форма на месечна пензија.

Оттогаш, таа добивала пензија од 8.437 евра секој месец.

Уметничкиот директор на RBB, Улрике Демер, која беше на водечката позиција од 2023 година, ги прекина исплатите на професорката Нотел во декември 2023 година и побара враќање на парите што веќе ги исплатила RBB.

„Обични договори“

Но, поранешнјата директорка го тужеше RBB и сега го доби судскиот спор. Според одлуката на судијата на Трудовиот суд во Берлин, телевизиската компанија RBB не докажала доволно дека ваквите договори и плаќања биле „невообичаени на пазарот“ во тоа време, „Мителдојче Цајтунг“ беше првиот што ја објави судската одлука.

Во изјава за „Билд“, член на советот за радиодифузија на RBB рече дека ваквите видови отпремнина често се исплаќале во минатото, особено кога станува збор за менаџер.

„Дознавме за тоа дури кога случајот стигна до суд“, рече член на советот на RBB.

Извор: Шпигл