Сојузната држава Невада од САД веќе една недела функционира со законот за легализирање на рекреативната употреба на марихуана и се проценува дека има заработено околу 1 милион долари од продажбата која е строго регулирана. 

Регистрираните диспензери на марихуана пак, се проценува дека за 7 дена заработиле околу 3 милиони долари. Исто така зголемен е бројот на посетители од околните сојузни држави кои прават туристички патувања за да купат легална марихуана. 

Сега Невада покрај коцкањето во блескавиот Лас Вегас ќе има значајни приходи и од продажбата на марихуана која пак, веќе ја снемува од залихите и затоа се формираат колони на редови пред официјалните продавници. Невада е петта сојузна држава во САД која целосно ја легализираше употребата на марихуана, како за медицинска така и за рекреативна употреба.