НЕСРЕЌА: Двајца мажи паднале во провалија на трим-патека
Вчера, доцна попладен, двајца мажи паднале во провалија на трим-патеката што води од градот кон манастирот „Свети Илија“при што се здобиле со повреди.
Според очевидци, првиот по падот успеал да се задржи на едно дрво во провалијата на само 4 метри од патеката, а другиот бил во дол длабок 25 метри.
На местото настанот интервенирале две екипи на Противпожарната единица на Струмица, кои успеале да ги извлечат настраданите и да ги транспортираат во болницата во Струмица.
Според информации оттаму потешко повредениот е пренесен на лекување во Клиничкиот центар во Скопје.
На местото на настанот увид извршиле екипи на СВР Струмица и Основното јавно обвинителство.
Слично
Поврзани вести
