Македонија трета во светот по бројот на починати од коронавирусот на 100.000 жители. 

Земјава се најде во светскиот врв според стапката на починати од ковид-19 во последниве седум дена. Според статистиката објавена на „Financial Times“,  Македонија е на третото место со две починати лица на 100.000 жители во последната недела. Пред нас во ова рангирање се Унгарија која е прва со 2,44 починати на 100.000 жители, додека на второто место е Босна и Херцеговина со 2,31 починати.  Во оваа рангирање пред Македонија се Турција, Јордан, Естонија, Полска, Кипар, Србија, Унгарија, Бахреин, Уругвај и Куракао, земја која бележи најголем раст на инфицирани со коронавирусот во последните седум дена.

Со 12.100 вакцинирани граѓани со првата доза, што опфаќа само 0,7 отсто од населението, Македонија е меѓу земјите чии процес на вакцинација е многу послаб и побавен. 

На табелата на угледниот Економист, сепак, после нас има и полоши држави во поглед на вакцинацијата, односно со 0,6, 05, па дури и 0,1 отсто од населението кое е досега вакцинирано со првата доза.

Такви се Јужна Африка, Кенија, Уганда, Пакистан, Белорусија, Венецуела, Тајланд, Ирак..., како и други држави каде сериозно доцни имунизацијата на населението. 

foto freepik