НЕОЛИТСКИОТ ЛОКАЛИТЕТ КАРАКАМЕН НАПАДНАТ ОД БЕХТЕЛ И ЕНКА: Левица обвинува дека се уништуваат и археолошки атефакти
Партијата Левица обвинува дека Бехтел и Енка вршат напад на Неолитскиот локалитет Каракамен.
„ Тука во атарите на двете села Шелеверци и Алинци, кој се во близина на патот Прилеп-Битола се наоѓа исклучителен интересен локалитет познат под името Каракамен.
Од поглед на природни вредности овој локалитет е доста значаен бидејќи има присуство на голем број ретки минерали.
Еден од нив е и МАКЕДОНИТ, кој најпрво бил регистриран тука, а потоа на уште еден локалитет во Шведска.
Овој геолошки музеј, под отворено небо, не само што придонесува значително за научното знаење,туку има и економско значење со своите уникатни високо ценети минерали.
Обесхрабрувачки е да се види небрежноста што доведува до неповратни штети, ставајќи ги во прашање не само минералното наоѓалиште, туку и потенцијалните економски придобивки.
Ова е ексклузивен локалитет, не само по единствениот број на ретки минерали, но и по значајни културни остатоци од населба од праисториските периоди.
Во моментов се уништуваат и археолошки артефакти. Од пред извесен период, изведувачот компанијата БЕХТЕЛ И ЕНКА во Договор за изградба склучен со владата повторно почнаа да го уништуваат овој значаен локалитет.
Се работи интензивно, како во текот на денот така и до доцните вечерни часови. Со цел што побрзо и што повеќе да се однесе природното и културно наследство кое го поседуваме.
Ова е ДЕВАСТИРАЊЕ, кое e овозможено со измените во законот за минерални суровини донесен од страна на пратениците на 27-ми ноември оваа година, за потребите
на БЕХТЕЛ И ЕНКА. Со кој минералните суровини кој ќе им се најдат на патот, ќе можат слободно да си ги експлоатираат.
Бараме до сите засегнати страни, вклучително и загрижените граѓани, еколозите и геолозите да ги здружат рацете во спречување на неповратното губење на овој редок феномен. Владата мора да одговара за својата негрижа, и веднаш да се превземат чекори за да се поправи оваа состојба.“
Слично
Поврзани вести
