Немаше потреба од вакви театри, секако очекуваме премиерот Зоран Заев да не информира за договорот со Алтернатива за да знаеме дали тоа за нас е прифатливо, изјави вчера попладнето Горан Милевски, лидерот на ДОМ откако Заев и Африм Гаши договорија детали околу влегувањето на оваа партија во владеачкото мнозинство. ЛДП заедно со ДОМ имаат три пратеници а едно министерско место, односно токму Милевски е министер за локална самоуправа.

„Немаше потреба да се прават овие театри еден месец и да се фокусира јавноста бидејќи државата има еден силен предизвик во декември, а тоа е почеток на преговори и целата енерија на политички чинители треба да се насочи кон решавање на овој проблем којшто ќе значи подобар животен стандард на граѓаните наместо да се занимаваме со личните позиции и кадровските решенија коишто очигледно се договорени.

Очекуваме премиерот Заев и јавноста и нас како коалициони партии да не извести, да знаеме во каква нова влада влегуваме, дали тоа за ЛДП е прифатливо или не. Се разбира тоа е наша заедничка одлука со ДОМ, изјави лидерот на ЛДП, Горан Милевски.