Има ли планови за промена на даноците во земјава, дали аспирациите за членство во Европската унија ќе наметнат обврска за зголемување на даноците. 

Според претставникот на „Левица“, Амар Мециновиќ на темата измени во Закон за минимален глобален данок на добивка, се стекнува впечаток дека може да се очекува промена на даноците во следниот период. 

- Интересна ситуација, во еден ден добивме закон во скратена постапка за реформа на даноци. Во ист ден го добивме на дневен ред, во ист ден го гласаме. Ќе го гласаме затоа што е добар! Но, сега е проблематичен и покажува дека ВМРО-ДПМНЕ нивното Министерство за финансии и Премиер, немаат визија и се однесуваат импровизирачки, носејќи ад хок реактивни решенија на приликите, наместо да ги антиципираат како треба да биде.

Би посочиле на тоа дека ДПМНЕ покрај тоа што сега го донесува во последниот момент од 2024 година, во '93-та минута, тие сепак во предизборието некого лажеа. Лажеа дека ќе намалуваат данок, а сега го зголемуваат! Сега ќе ви кажеме зошто. Затоа што ВМРО-ДПМНЕ првпат има изразена левичарска опозиција која се грижи за тоа што треба да усогласиме со европската легислатива.

'Анти-европската' Левица ви посочи пред месец дена, дека постои директива во ЕУ,  сите членки, и сите аспиранти за зачленување, треба да имаат минимален корпоративен данок од 15 проценти почнувајки од први јануари 2024 година - кажа Мециновиќ во Собранието. 

Потоа тој дополни дека „имаме најави дека некои големи фирми ќе го оспорат ова пред Уставен суд - ретроактивното дејство на овој закон“. 

- Иако ДПМНЕ лажеа, мора да се признае дека претходната Влада истото ова требаше да го има предивид и ако овој корпоративен данок се прогласи за неприменлив, кој ќе ја сноси вината? - Кој ќе плати пенали затоа што треба да се оданочи добивката на мултинационалните корпорации, иако требало.

Среќни сме што ова се прави поради Левица. За јавноста ќе потсетиме, кон крајот на ноември, преку сестринските партии во Европскиот парламент испративме барање до Европската комисија, за тоа што Мицкоски најавуваше, корпоративниот данок да се намали од 10 проценти на 5 отсто. Дали да се држи до тоа, или пак да се држи до регулативите на Европската унија.

За еден месец се освести ДПМНЕ. Граѓаните треба да знаат дека со притисокот на Левица, во овој парламент, стотици милиони евра, долгорочно ќе се задржат во Буџетот на РМ, кои инаку ќе се одлееја во странство - напоменува Мециновиќ.