Нема возови, железничарите не зеле денар
Железничкиот товарен сообраќај во Македонија од вчера наутро е во целосен прекин, а од полноќ и железничкиот патнички сообраќај.
Од МЖ Транспорт АД Скопје вчера соопштија дека железничкиот товарен сообраќај е во прекин од утринава од 07:30 часот кога група вработени од машинскиот и извршен персонал едноставно решиле да прекинат со извршување на работните обврски, а железничкиот патнички сообраќај ќе се одвива до полноќ.
Вработените велат дека причина за прекинот е неисплатениот втор дел од платата за октомври.
Тие велат дека прекинот ќе трае се до исполнување на поставеното барање, односно исплата и на ноемвриската плата до 25-ти декември.
Слично
Поврзани вести
