Министерството за здравство информира дека поради прекин во водоснабдувањето во Универзитетската клиника за белодробни заболувања кај децата– Козле нема да хоспитализира пациенти.

„Веднаш е побарано од Универзитетска клиника за детски болести и Универзитетска клиника за инфективни болести и фебрилни состојби времено да ги згрижат пациентите кои ќе имаат потреба од хоспитализација, додека во Козле ќе продолжи третманот на пациенти во дневна болница и амбулантските прегледи“, соопштија вонредно од таму.

Како што пишува во соопштението, оваа иницијатива „е во насока на обезбедување континуитет во третманот и грижата за најмладите пациенти“.

Кажано е дека по нормализирање на водоснабдувањето во Универзитетската клиника за белодробни заболувања кај децата - Козле, непречено ќе продолжи хоспитализацијата на пациентите во оваа јавна здравствена установа.