Нема судење, Боки 13 повеќе од две недели во болница
Бојан Јовановски, обвинет во случајот „Меѓународен сојуз“, се уште е на болничко лекување, поради што денеска се одложи главната расправа по овој предмет во Кривичниот суд Скопје.
Боки 13 на 8 септември итно беше пренесен во Клиниката за хируршки болести „Свети Наум Охридски“, или поранешна Градска болница во Скопје, поради силно воспаление на желудецот, заради што му се направи операција.
-Заради интерес на медиумите и невладините организации кои ја следата главната расправа по предметот со КОК бр. 49/20 во јавноста познат како „Меѓународен сојуз“, ја информираме јавноста дека главната расправа насрочена за денеска (24.09.2020 година) се одлага со оглед да еден од обвинетите сеуште е хоспитализиран по извршен оперативен зафат, гласи соопштението од Кривичниот суд Скопје.
Кај Јовановски по направените анализи утврдено беше дека имал чир на желудникот кој прснал. Хируршкиот зафат беше неизбежен и тој веднаш беше опериран. Инаку, Јовановски претходно има две интервенции на желудникот
И претходно, додека траеја судските рочишта Боки 13 чесо се жалеше дека има сериозни здравствени проблеми. На јавноста и е добро познат по случајот „Рекет“ во кој е осуден на 9 години затворска казна.
Тој досега поднесе кривични пријави за најмалку 30 лица во скопското обвинителствокои се поврзани со случаите „Рекет“ и „Меѓународен Сојуз“ и се однесуваат на злоупотреба на службената положба, несовесно лекување, измама, и така натаму.
Слично
Поврзани вести
