„Ова не е прашање на политика, и затоа Владата не може да носи одлука која би била политичка. Ние сакаме да носиме одлука врз основа на проценка на стручните лица. Ако се согледа каква било потреба, ако се согледа дека има потреба да се преземат мерки, тогаш ќе се разговара на Влада. Засега Владата нема донесено никаква одлука, и во моментов важи старата, односно дека границите се отворени“, изјави Спасовски.
Поради влошувањето на сосотојбата со коронавирусот и во соседните земји, за денеска беше најавен состанок на Комисјата за заразни болести на кој требаше да се разговара за евентуално затворање на границите или за други превентивни рестриктивни мерки.
А како што веќе пишуваше Фактор, денеска имало жестоки несогласувања меѓу членовите на Комисијата за заразни болести околу прашањето за евентуално затворање на граничните премини со соседна Србија и Косово, поради влошувањето на епидемиолошката состојба во двете земји, односно наглото зголемување на бројот на заразени со корона вирусот.
