Нема финансиски средства  за плати за општинската администрација и двете јавни претпријатија во Штип. 

Празни се сметките и на комуналното претпријатие Исар и Јавното претпријатие Стипион.

„Во овој момент на сметката на Исар фалат уште 3 милиони денари и во овој момент на општина Штип и недостасуваат 5.2 милиони денари за да вработените си ја земат платата“ - изјави Бочварски.

Пред да ја напушти функцијата поранешниот градоначалникот, Илчо Захариев во писмено соопштение наведе дека на сметката на општина Штип остава 4,3 милиони денари. 

Бочварски најави дека ќе прави ревизија на сите проекти и ќе утврдува има ли незаконско работење во претходните четири години.