Скопје се подготвува за вториот изборен круг, кога конечно ќе се дознае кој во следните четири години ќе го води главниот град. Еден од кандидатите кој ја продолжува изборната трка е кандидатот на Левица, Амар Мециновиќ.

Мециновиќ е презимето на можеби најмладиот потенцијален градоначалник на Скопје. Тој наредното лето ќе наполни 30 години. Роден е на 16 јли 1996 година во Скопје и моментално е пратеник на Левица во Собранието на РМ. 

Високо образование завршил на Правниот факултет „Јустинијан први“, каде исто така ги завршил и додипломските студии на политички науки. Уште од студентски денови покажува посебен интерес кон политиката.

Мециновиќ во 2022 станува дел од Советот на Град Скопје, а во 2024 стана дел од Собранието на Македонија. Тој е портпарол на Левица, и член на највисокото раководно тело на партијата. Потекнува од скопски Чаир.