Тијана Дапчевиќ, познатата македонска пејачка која живее и работи во Белград се прости од прославениот кошаркарски тренер Душан Дуда Ивковиќ (77) кој почина утрово во Белград. Дуда беше кум на нејзиниот син Вук.

„Спиј мирно мој добар куме. Нека те чуваат ангелите, напиша Тијана.

Таа често во српските медиуми не штедеше на убави зборови за Дуда и откриваше интересни детали за него.

Душан Ивковиќ почина денеска во шест часот и 50 минути во болница во Белград.

Роден е во Белград на 29 октомври 1943 година. Тој беше еден од најуспешните европски тренери на сите времиња, секако најуспешниот селектор на кошаркарската репрезентација на Југославија на Европските првенства, каде освои златни медали во Загреб во 1989 година, Рим во 1991 година и Атина во 1995 година.

Повеќе детали

Фото: Фејсбук