„НЕКА МУ ПРЕНЕСЕ НЕКОЈ НА ГАНИУ, ДЕКА НИ ОВА НЕ МУ Е ОСТАВЕНО ВО НАСЛЕДСТВО ОД БАБА МУ“: Арсовска продолжува да објавува за дивоградбите во Чаир
Градоначалничката на Скопје, Данела Арсовска, објави уште една фотографија од новозиградена дивоградба во Чаир.
„Нека му пренесе некој на Висар Ганиу дека ни ова не му е оставено во наследство од баба му, бидејќи тврдеше дивоградбите ги наследил, а овде СЕГА СЕ ГРАДИ. 50 нови згради во моментов и никој не реагира!
Немаат дозволи, немаат проекти, крадат вода, крадат струја.
Вие плаќајте даноци и скенирајте фискални.
Вработените во администрацијата на град Скопје и јас како градоначалник, кога имаме информација или пријава дека се оштетува буџетот за градот и кога сме сведоци на докази за фалсификувани службени документи, согласно закон сме обврзани истото да го пријавиме, во спротивно со молк стануваме соучесници во криминалот со незаконските легализации“, напиша таа.
Слично
Поврзани вести
