На вработените им се нуди платена обука, можност за брзо напредување, но и разни „бонуси“ како што се теретана и фитнес на сметка на компанијата, свежо овошје во канцеларијата...

И додека често се слуша дека за пристојна плата е потребно да се оди во странство, судејќи според огласите за работа, во Србија има сè повеќе можности за работа со плати што можат да се споредат со европските стандарди.

Особено кога станува збор за позиции во секторот за продажба, каде што платите значително се зголемија во последно време, а побарувачката за работници никогаш не била поголема.

Интересно е што за оваа позиција не е потребна универзитетска диплома, туку првенствено комуникациски вештини, упорност и подготвеност за работа со клиенти.

Описот на работното место на продажните агенти варира во зависност од компанијата, но заедничко е што продажбата е примарна активност - без разлика дали станува збор за директен контакт со потенцијални клиенти, телефонска продажба, работа со базата на клиенти или закажување состаноци, пренесуваат српските медиуми.