Кандидатот за градоначалник на Чаир, Бујар Османи не вели „не“ на прашањето дали имал средби со поранешниот премиер Никола Груевски кој избега од Македонија во Унгарија, за што го обвинува владејачката Вреди.

На прашањето „Дали имало или немало средба меѓу Бујар Османи и Никола Груевски“, Османи одговори: „Средбите на министрите за надворешни работи се класифицирани средби и по закон не можат да се откријат. Дури и да имало нешто такво, тоа ќе било во рамките на функцијата на министерот за надворешни работи.“

Претходно, коалицијата Вреди преку соопштенија до јавноста неколку пати упати прашања до Османи, дали и зошто се среќавал во Будимпешта со поранешниот премиер Груевски и што се разговарало на тие средби.