Пратениците не ја прифатија интерпелацијата за работата на министерот за внатрешни работи, Панче Тошковски. 

Со 58 гласа „против“ и 19 „за“, пратениците на денешната седница не ја прифатија интерпелацијата за работата на министерот Тошковски, која ја поднесе Левица.

Од Левица, но и пратениците од СДСМ се пожалија на скандали и безбедносни пропусти. Обвинија за неефикасност, неажурност и политизиранист на македонската полиција, а со тоа и на МВР, што, како што оценија, резултира со пораст на криминалот, убиства, афери и трагедии по непостапување во случаите на семејно насилство.

Пратениците од ВМРО-ДПМНЕ, застанаа во одбрана на Тошковски, оценувајќи дека актуелното раководство на МВР постигнало повисока ефикасност, разбило повеќе криминални групи и придонело за намалување на повеќе видови криминал.

Ова е трета интерпелација за работата на Тошковски. Две поднесе Левица, а една беше од Демократската унија за интеграција (ДУИ). Претходната интерпелација на Левица за работата на Тошковски на дневен ред во Собранието беше на 29 април.

фото Фејсбук/Панче Тошковски