Професорката Мирјана Најчевска на својот фејсбук профил жестоко реагира откако вчера преку социјалната мрежа фејсбук поранешниот премиер Никола Груевски, а сега азилант во Унгарија, се осврнал на ликот и делото на најпознатиот автор во Македонија на социјална поезија Коста Солев Рацин, за кого напиша дека дека е неверојатен талент и дека неговата поезија е безвременска. 

На ова, професорката Мирјана Најчевска вели дека не е во ред да го цитира Рацин човекот кој негира се за што се бореле партизаните. 

„Не ми се верува, она десничарското криминално кецарошче Груевски, кое негираше се за што се бореле партизаните, ја негираше социјалистичка Македонија, ни го внесе во историјата Аце таткоубиецот и од кое едвај се ослободивме, одеднаш почнало да го рецитира Кочо Рацин“, пишува, меѓу другото, Најчевска.