Можеме да ветиме дека од следната година ќе им ставиме на располагање на општините бази со даночни обврзници, за посоодветно да си ги колектираат сопствените извори на финансирање. Она е тоа што може централната власт согласно децентрализација да го направи, кажа министерот за локална самоуправа, Златко Перински. 

„Оставаме на успешноста на менаџирањето на градоначалниците, бидејќи е нивна одговорноста да си ги менаџираат буџетите. Имаме градоначалници кои колектираат 100% од сопствените извори на финансирање, но имаме и такви кои изминатите 10 години немаат издадено ниедно решение“, рече Перински. 

Вели дека не е соодветно да се бара цело време помош од централниот буџет и таа помош ќе биде ограничена.

„Не е соодветно постојано да барате финансиска помош од „Големиот брат“, кога вие несоодветно да си ги колектирате сопствените извори на финансирање“, рече тој.