Министерот за здравство, Венко Филипче за Тв 24 изјави дека не се исклучува можноста за карантин. Смета дека младите не ги почитуваат превентивните мерки и продолжуваат со комуникацијата и тие се голем преносител на вирусот. Вели дека следниот период ќе има простор да се видат резултатите од полицискиот час.

Министерот рече дека многу е важно во делот на вакцинирањето како стратегија да се обрне внимание на приоритетната група. Тоа се здравствените работници и ќе бидеме една од ретките земји во регионот и Европа каде сите здравствените работници кои работат со ковид се имунизирани. 

„Интересот е 80 отсто кај здравствените работници. 20 отсто не се јавуваат од закажаните на вакцинација“, рече Филипче.