Долги периоди на топло време, вклучувајќи и неколку опасни топлотни бранови, ќе ги одбележат временските прилики во текот на летото ширум јужна и источна Европа, прогнозира познатиот сајт за временска прогноза Акуведер.

Долго, топло лето и долги периоди со температури над просечните за тој период од годината ќе го опфати просторот од Италија до Балканскиот полуостров.

Pewnie wielu czeka na takie wieści.
Wg Amerykanów Polskę czeka gorące i burzowe lato.
Oczywiście to jedynie ciekawostka.
by @accuweather pic.twitter.com/N2ce1PRgGb

— meteoprognoza.pl (@MeteomodelPL) May 11, 2017

Наспроти тоа, жителите на Велика Британија и Ирска нема баш да се згреат ова лето, а помеѓу овие подрачја со различни временски прогнози ќе се најдат земји од Франција до Чешка со чести бурни ветрови.

Нашиот регион посебно во јули и август го очекуваат опасни горештини и температури над 32 степени Целзиусови кои ќе се задржуваат и подолго од недела.

„Рекордно високи температури се можни во текот на најинтензивните топлотни бранови“, предупредува метеорологот Алан Реперт.

На Македонија, Бугарија, Унгарија и Романија им се заканува најголема опасност од топлини, а метеорологот Тајлер Ројс додава дека друг проблем ќе претставува смогот и лошиот квалитет на воздух.

Екстремните горештини во јужна и источна Европа ќе го ограничат паѓањето на дожд, што ќе го зголеми ризикот од суша и покрај натпросечните врнежи од јануари до април.

Ширум Балканот ќе продолжи страдањето на житните култури и овошките, кои веќе се погодени од пролетната студ, а сега им следи недостаток на врнежи и интензивна топлина во текот на летото.