НАУТРО СОНЧЕВО И ТОПЛО, ПОПЛАДНЕ ГРМЕЖИ, ДОЖД, ВЕТЕР - синоптичарите најавуваат голема промена
Денеска не очекува сончево време со мала до умерена облачност во текот на претпладневните часови, но веќе за во попладневните часови синоптичарите најавуваат промена.
- Во попладневните часови ќе има развој на нестабилна облачност, проследена со дожд, грмежи, засилен ветер и ќе има услови за појава на град. Ќе дува слаб до умерен, повремено засилен ветер од северен правец - истакнуваат од Управата за хидрометеоролошки работи.
И во главниот град се очекува сончево време со мала до умерена облачност во претпладневниот дел од денот, додека пак, во попладневните часови ќе има услови за развој на нестабилна облачност, проследена со дожд, грмежи и засилен северен ветер.
Сепак температурите и понатаму се очекува да се искачат над 30 степени.
Слично
Поврзани вести
