Со реакција за вчерашната промоција на кандидати на ДУИ и коалицијата, се огласи Изет Меџити. Тој оцени дека овој настан го означува крајот на политичката кариера на лидерот на ДУИ, Али Ахмети.

Според Меџити, говорите и пораките од митингот не претставуваат демонстрација на сила, туку напротив – знак на слабеење на позициите на ДУИ. 

„Настанот во „Борис Трајковски“ не е само митинг, туку јасен показател за крај на една ера,“ изјави тој.

Како што истакна тој, јавниот настап на Ахмети е доказ дека се обидуваат да го задржат влијанието кое го немаат. Меџити истакна дека преку овие настапи граѓаните сами ќе ја препознаат разликата меѓу „старото“ и „новото“ во политиката.