Претседателката Гордана Сиљановска-Давкова на социјалните мрежи објави фотографија со американскиот претседател Доналд Трамп и неговата сопруга Меланија Трамп, заблагодарувајќи им се за гостопримството на приемот.

„Ми претставуваше чест да присуствувам на приемот што го приредија Претседателот на Соединетите Американски Држави, Доналд Трамп и неговата сопруга Меланија Трамп, по повод 80. Генерално собрание на Обединетите нации. Во овие турбулентни случувања во светот, важно е да не отстапиме од демократските вредности и да се обединиме во зачувување на глобалниот мир и безбедност. САД биле и остануваат наши искрени сојузници на овој пат“, напиша претседателката.