Осум лица во струмичко се казнети поради непочитување на забраната за движење во шумите. 

На 12 јули годинава, полициски службеници од СВР Струмица во шумски предели на подрачје на Струмица направиле контрола да видат дали се почитува донесената одлука за целосна забрана за движење во шуми, која стапи на сила на 1 јули 2025 година, а ќе трае до 31 август 2025 година.

При контролата се откриени осум лица кои се движеле во шумски предели, а притоа не поседувале одобрение за движење во шуми, издадено од ЈП „Национални шуми“, соопшти полицијата. 

За преземените мерки од страна на СВР Струмица е известена Шумската полиција Струмица, која е надлежна за понатамошно поведување на постапка против лицата, согласно член 57 став 3 од Законот за шуми. Месецов секојдневно има пожари во Македонија. 

foto freepik.com