Панче Ангелов, насилникот кој на Крвавиот четврток на 27 април во Собранието на Република Македонија ја нападна тогашната пратеничка Радмила Шекеринска од СДСМ, е осуден на четири години затвор за извршениот напад на дрзок начин.

Судот ги зел во предвид олеснителните околности во овој случај како што е 65 годишната возраст на Ангелов и тоа што претходно немал сторено кривично дело, но исто така зел во предвид и повеќе отежителни околности.

Казната од четири години се должи на тоа што нападот бил пренесен од медиумите и предизвикал страв кај граѓаните, а е извршен во самото Собрание. 

Осудениот Ангелов по објавувањето на пресудата рече дека казната е превисока и дека ќе се жали до Апелациониот суд. Тој го призна делото, но се надеваше дека ќе помине без казна затвор.