Две лица се починати од ковид-19 минатата недела, а регистрирани се и 213 нови случаи. 

Ова е наведено во последниот извештај на Институтот за јавно здравје. Во период од 19 до 25 август, тестирани се вкупно 597 материјали во лабораториите за антигенско тестирање за присуство на SARS-CoV-2. При овие испитувања забележано е намалување на бројот на заболени за 1,8 отсто во однос на минатата недела.

Најголем број на заболени се регистрирани во Скопје, односно 99 случаи, а потоа следува Кавадарци со 23 и Охрид со 20 заразени. Најголем дел од заболените спаѓаат во возрасната група над 60 години.

„Пријавени се две починати лица асоцирани со Ковид-19. Се работи за лица на возраст од 48-88 години, со коморбидитети, починати во болнички услови, а во однос на вакциналниот статус, едното лице е невакцинирано, а другото примило две дози вакцина против Ковид-19“, пишува во извештајот на ИЈЗ.