Македонија има вупно 1.781 населено место, од кои 205 се празни населени места. Најмногу млади лица до 14 години има во Чаир, Аеродром, Куманово и Тетово... а најмногу жители има во Скопје. 

Ова се мал дел од податоците кои ги објави денеска Државниот завод за статистика, во согласност со Програмата за објавување и дисеминација на податоците од Пописот на населението, домаќинствата и становите во Република Северна Македонија 2021.

- Во периодот на спроведување на Пописот на населението, домаќинствата и становите, 2021 г., во Република .Македонија има вкупно 1.781 населени места, а 205 се празни населени места.

- Во главниот град Скопје живеат 526 502 жители, 171.171 домаќинство и има 213.850 станови.

- Населено место со најголем број на жители е Скопје - Аеродром со 75.108 жители, а потоа следуваат градовите: Куманово со 75 051 жител, Битола со 69.287 жители, Прилеп со 63.308 жители, Тетово со 63.176 жители итн. 

- 684 населени места се со помалку од 100 жители, додека 218 населени места се со помалку од 10 жители.

- Според бројот на домаќинства, најмногу домаќинства има во населеното место  Скопје - Аеродром - 27026, па следуваат градовите: Битола со 24.974, Куманово со 23.451, Прилеп со 22.763, Тетово со 17.948, а во 381 населено место има 10 и помалку домаќинства.

- Најмногу станови има во населеното место Скопје - Аеродром - 34.415, а во 116 населени места има помалку од 10 станови.

- Населени места со најмногу младо население на возраст од 0 до 14 години се: Скопје - Чаир, Скопје - Аеродром и во градовите Куманово и Тетово, а со старо население на возраст од 85 и повеќе години се населените места: Скопје - Карпош, Скопје - Центар и градовите Битола, Прилеп, Велес, Охрид итн.

Ова се мал дел од податоците во последниот сет на пописни податоци.