Големата бура која се крена по покренувањето на истрага на клиниката за Онкологија, поврзана со медимските написи за крадење лекови од паценити кои требало да се лекуваат на клиниката и да добијат хемотерапија, а наместо лек, добивале разредени дози или само физиолошки раствор, ги испровоцира сите со свои реакции. 

Дури и луѓе од медицинската фела со одбивност коментираа за големиот злочин направен на оваа клиника. 

На темата вчера се огласија актуелниот министер за здравство, Фатмир Меџити, но и сегашната директорка на клиниката, Виолета Клисаровска, кои укажаа дека не треба да се стигматизираат сите вработени во клиниката и побараа побрзо расчистување на случајот, за да биде вистинскиот виновник изнесен пред судските органи и да се поврати довербата на граѓаните во здравството. 

Но, особено загрижува укажувањето на професорката Мирјана Најчевска, која предупреди преку социјалните мрежи дека можеби надлежните воопшто немаше да се огласат и да реагираат ако не се објавеше за оваа разработена шема на клиниката, од страна на медиумите. 

- Органите на прогонот и Владата и сите надлежни и ден денеска ќе си молчеа за убивањето пациенти доколку не беа притиснати од медиумите - напиша Најчевска на Фејсбук.