Професорката Мирјана Најчевска реагираше на јавните обвинувања кон децата по последниот инцидент во Ѓорче Петров, порачувајќи дека одговорноста не треба да се префрла исклучиво врз нив.

• -Престанете да ги обвинувате децата. Тие се слика на своите родители, слика на политичарите, слика на вредносниот систем кој се промовира во општеството – напиша Најчевска.

Таа нагласува дека однесувањето на децата е директен одраз на примерите што ги гледаат во секојдневието.

• -Ако детето види дека неговиот родител чита – тоа ќе чита. Ако види дека фрла ѓубре – ќе фрла ѓубре. Ако види понижување и дискриминација – ќе го повторува истото – наведува професорката.

Во својата објава, Најчевска посочува и на поширокиот општествен контекст, истакнувајќи дека вредностите што се промовираат имаат клучно влијание врз младите.

• -Ако се цени незаслужен успех, измами и крадење – децата ќе го следат тој модел – предупредува таа.

На крајот, професорката испраќа порака дека одговорноста е колективна.

• -Какви родители – такви деца. Какви политичари – такви деца. Какви наставници – такви деца – заклучува Најчевска.