Мирјана Најчевска ја одби поканата да дебатира за промената на уставните амандмани во македонската Влада.

Експертот за човекови права вели дека причина за тоа не е самата Влада, туку нејзината нетрпеливост кон професорот Владо Поповски, кој исто така е поканет на стартот од јавната расправа.

Таа вели дека не може да дебатира со професор „кој ги променил сите бои“ и кои секогаш, како што вели таа, е на страната на тој што е на власт.

„Компромисен. Неконфликтен. Човек кој ни во сон нема да се спротистави на ниту еден режим. И јас се заблагодарив и одбив: Почитувана, благодарам многу за поканата, меѓутоа јас одбивам да присуствувам на средби на кои главен говорник е Владо Поповски. Сметам дека Владо Поповски е дискредитиран како стручњак во повеќе наврати и дека има нанесено неверојатно голема штета во развојот на Македонија како правна и демокатска држава. Од тие причини, да одам на јавна расправа на која тој се појавува како посебен говорник за мене е не само понижувачко туку и невкусно“, напиша Најчевска на Фејсбук.

Денеска ќе говорат премиерот Зоран Заев, а освен Поповски, ќе дискутира и Љубомир Фрчкоски. Третата фаза од сутавните измени за неколку дена ќе се пресели на пленарна седница во Собранието, каде што е потребно двотретинско мнозинство за кочена измена на Уставот во согласност со Преспанскиот договор.