Денеска беше пресечена лентата за фабриката ВПТЕКС за производство на работна и заштитна облека на холандската компанија Van Puijenbroek Textiel. Направена е во економската зона Марино-Кадино.  Инвестицијата е вредна два милионa евра, во моментов има 50 вработени, а се планира бројката да порасне на сто вработувања идниот месец со воведување втора производствена линија. Министерот за транспорт и врски Миле Јанакиески, холандската амбасадорка Мариет Шурман,како и претставници на холандската  Ван Пајнброк Текстил беа дел свеченоста. „Мисијата на овој производствен капацитет на ВПТЕКС е да им излезе во пресрет и да ги задоволи очекувањата и желбите на купувачите со систем на брза реакција и одговор.  Исто така планираме да развиеме систем на продажба со рентирање и перење на работната облека“, истакна инвеститорот. За градоначалникот на Општина Илинден, Жика Стојановски инвестицијата е од големо значење за општината.. „Една ваква директна странска инвестиција знаеме дека ќе донесе нови технологии, ќе усвои нови практики, ќе пренесе многу знаење, отворање на нови работни места, а со тоа и решавање на егзистенцијалните прашања на повеќе семејства од нашата општина и регионот“, рече Стојановски. Денеска беше пуштена и новата економска улица во зоната Марино-Кадино со должина од  500 и широчина од 10 метри.