Надрилекар од Турција „лечел“ во гостиварско
Надрилекар од Турција „лечел“ од разни болести во земјава, а си отворил и „ординација“ во гостиварско.
Полицијата соопшти дека вчера во гостиварско е уапсен млад човек од Турција, кој лажно се претставувал како медицинско лице. Тој во куќа во селото Врапчиште земал пари од луѓе кои ги „лекувал“ од секакви болести со надрилекарство.
Турчинот е задржан во полициска станица и по расчистувањето и документирањето на случајот, против него ќе биде изготвена соодветна пријава.
Пред три години во Неготино беше уапсен надрилекар кој продавал лажни креми за 100 евра.
Слично
Поврзани вести
