По изгласувањето на законските измени со кои сите пензионери ќе добијат зголемување на пензиите од 2.000 денари остра реакција од опозициската СДСМ, кои, како и други претходно, обвинуваат за измама на пензионерите. 

- Власта спроведува историска измама на пензионерите. Со последната одлука за зголемување од само за 1.000 денари, пензионерите се оштетени не еднаш, туку двапати – во септември 2025, и уште еднаш во март 2026 година - посочи на прес-конференцијата пратеничката и некогашна министерка, Јована Тренчевска.

Таа укажа дека со ваково линеарно зголемување од 1.000 денари, Владата го укинува правичното законско усогласување – со што пензиите ќе се зголема многу повеќе.

- Механизмот што го донесе СДСМ да ги штити пензиите од инфлација и раст на трошоците за живот ќе значеше зголемивање на сите пензии за 5 отсто во септември и уште 5 проценти во март, со сегашното ниво на трошоци и плати.

Сега, 92,5 отсто од сите пензионери – над 318.000 луѓе – се оштетени и ќе добијат помали пензии отколку што реално им следува и заслужиле.

Некои помали дури и за 2.000 денари, некои помали и за 4.000 денари.

Ете толку им краде владата на пензионерите во септември и март - потенцираше Тренчевска.

Таа дополнува дека со измените само 7,5 отсто од пензионерите ќе добијат некаква корист, и тоа – помалку од тоа што им следува и го заслужиле.

- Ова не е „повисока пензија“, ова е системска измама и пресметан грабеж.

Погрешните политики на Владата на Мицкоски се рецепт за сиромаштија на пензионерите.

Инфлацијата во земјата изнесува 4,5 проценти – што директно го јаде животниот стандард на пензионерите. Трошоците за живот пораснаа за над 6.000 денари годишно.

А дефицитот на ПИОМ фондот надминува 47 отсто и секојдневно расте. Ова е сериозен аларм и загрозување на исплатата на пензиите во иднина - укажа таа. 

Потоа дополни дека луѓето кои целиот живот го посветиле на работа, на земјата, на општеството не заслужувата ваков однос од сопствената власт.

- Не смееме да дозволиме оние што ги изградиле училиштата, болниците, патиштата, фабриките – денес да живеат со страв од сметки, со скратена пензија, со чувство дека се заборавени.

Пензинерите не бараат милостина, им следува она што со години, со труд и одрекување, го заслужиле - потенцираше Тренчевска во име на СДСМ.