Над 100.000 Македонци од денеска ќе може да патуваат во земјите-членки на ЕУ, според податоците на Евростат. Последните официјални податоци говорат дека бугарски пасош добиле над 50.000 македонски граѓани, а над 50.000 се стекнале со државјанство од другите ЕУ-земји според европското статистичко биро.

Последните податоци кои Евростат ги објави се за 2017, кога 6.372 наши граѓани добиле државјанство на земја-членка на ЕУ, а претходно рекордна година беше 2016 со 9.235 одобрени државјанства за Македонците. Во 2017, дури 3.845 Македонци добиле италијански пасош, а на второто и третото место се германскиот и австрискиот  - 990 и 296.

Од денеска ЕУ по препорака на Европскиот совет ги отвора надворешните граници со Алжир, Австралија, Канада, Грузија, Јапонија, Мароко, Црна Гора, Нов Зеланд, Руанда, Србија, Јужна Кореја, Тајланд, Тунис, Уругвај, како и Ватикан, Андора, Сан Марино и Монако. Покрај тоа, можно е Кинезите да бидат примени во ЕУ под услов на реципроцитет (со други зборови, дека тоа ќе му овозможи на Пекинг да патува во европските патници во Кина).  Од можноста за тоа испаднаа и Турција, Албанија и Северна Македонија.