„Над 1.000 нерегистрирани возила за 12 часа се доказ за паднатиот стандард“: СДСМ реагира на статистиките од „Безбеден град“
Опозициската СДСМ реагира на првите статистики кои пристигнаа од предупредувањата од „Безбеден град“, а според кои, над 1.000 возила биле нерегистрирани.
„Мицкоски се огради од народот, сега на камерите во Скопје може да види колку е паднат стандардот на граѓаните. За само 12 часа од поставувањето на камерите од системот во Скопје се покажало дека има над 1.000 возила кои биле нерегистрирани. Тоа покажува и колку е паднат стандардот на граѓаните со Мицкоски и ДПМНЕ. Народот нема пари ниту за регистрација на автомобилите. И тоа зборуваме за паднат стандард во Скопје, во главниот град, колку е само полоша состојбата во помалите градови и населени места? Економијата паѓа а народот едвај преживува“, велат од СДСМ.
Го обвинија премиерот Мицкоски дека преку камери и зад оградата пред зградата на Владата, ќе ја види катастрофалната состојба во Македонија.
„Добро е што власта ги постави камерите, сега од неговиот кабинет во зградата на Владата Мицкоски, зад вратената ограда, ќе може да ја види катастрофалната состојба во Македонија. Мицкоски се огради од народот па сега ќе може да гледа на камери. Додека власта се гоштева со папаја и манго, се вози со бизнис класи, додека врти милионски тендери за испумпување на партите на граѓаните -народот нема пари ниту за регистрација на возилата. Тоа „економски тигар“ им го донесе на граѓаните и им го постави како „стандард“. СДСМ ја тргна оградата пред владата одма после рушењето на режимот на Груевски, просторот и вратата во Владата беше отворена за граѓаните, затоа што им припаѓа на граѓаните. Ама ученикот на Груевски ја врати оградата и тоа е показател колку се исти. Ова е иста банда. Работата сè уште не е завршена“, реагира СДСМ.
Слично
Поврзани вести
